«Milan» himoyachisi Fikayo Tomori Italiya A Seriyasining 34-turidan o‘rin olgan «Yuventus»ga qarshi bahs oldidan gapirib o‘tdi. Uchrashuv yakshanba, 26 aprel kuni Toshkent vaqti bilan soat 23:45 da boshlanadi.
«Verona»dagi g‘alaba (1:0) evaziga haftani yaxshi boshladik. Ketma-ket ikkita mag‘lubiyatdan keyin «Bentegodi»da uch ochko olish muhim edi va biz buni uddaladik. Hozir jangovar ruhiyatimiz va kayfiyatimiz ancha yuqori.
«Yuventus»? Bu ajoyib o‘yinchilar va juda yaxshi murabbiyga ega bo‘lgan buyuk jamoa. Men Bogani «Chelsi» yoshlar jamoasida birga o‘ynagan paytlarimizdan beri bilaman. U ham Yildiz, Tyuram, Konseysau va Devid kabi kuchli futbolchi», — deya Tomorining so‘zlarini keltiradi La Gazzetta dello Sport.
Ayni damda «Milan» 66 ochko bilan A Seriya turnir jadvalida ikkinchi o‘rinni egallab turibdi. Hisobida 63 ochko bo‘lgan «Yuventus» esa to‘rtinchi pog‘onada bormoqda.
