«Bavariya» yarim himoyachisi Leon Goreska va Madridning «Atletiko» klubi hujumchisi Aleksandr Syorlot faoliyatini «Milan»da davom ettirishi mumkin. Har ikki futbolchi yozgi transfer oynasida «rossonerilar»ning asosiy maqsadlari qatoriga kiritilgan.
La Gazzetta dello Sport nashrining xabariga ko‘ra, A Seriya grandi allaqachon 31 yoshli nemis va 30 yoshli norvegiyalik futbolchilarni qo‘lga kiritish ustida ishlamoqda. Leon Goreska erkin agent sifatida jamoaga kelib qo‘shilishi mumkin — «Bavariya» uning yakunlanayotgan shartnomasini uzaytirmoqchi emas. Aleksandr Syorlotning «matraschilar» bilan kelishuvi esa 2028 yilgacha mo‘ljallangan, uning Transfermarkt portalidagi narxi 20 million yevroni tashkil etadi.
Eslatib o‘tamiz, «Bavariya» va «Atletiko» Chempionlar ligasining yarim finaliga qadar yetib borishgan va u yerda mos ravishda «PSJ» hamda «Arsenal»ga qarshi bahs olib borishadi.
