Kilian Mbappe tekshiruvdan o‘tdi. "Real" rasmiy saytida aytilishicha, fransuz hujumchisida chap oyog‘ining yarim pay mushagi shikastlangani aniqlangan. "Real" Mbappening tiklanish muddatlarini aniq aytmayapti.
"Keyingi holat tiklanish dinamikasiga bog‘liq bo‘ladi," - deyiladi xabarda.
Eslatib o‘tamiz, juma kuni Kilian Mbappe La Liganing "Betis"ga qarshi o‘yini (1:1) yakuniga yaqin almashtirishni so‘ragan edi. "Real" Ispaniya chempionati turnir jadvalida ikkinchi o‘rinni egallab turibdi. "Barselona"dan Alvaro Arbeloning jamoasi 11 ochkoga ortda qolmoqda.
