«Milan»ning sobiq hujumchisi Marko Simone o‘tgan yozda jamoa boshqaruviga kelgan va hozirda turnir jadvalida uchinchi o‘rinni egallab turgan Massimiliano Allegrining faoliyati haqida fikr bildirdi.
Simonening hisoblashicha, Allegrining ishiga kelajakda baho bergan ma’qul, biroq hozircha u mavsum uchun qo‘yilgan vazifani uddalamoqda.
«U kuchli to‘rtlikdan joy olish haqida gapirgandi va bu vazifa bajarilmoqda. To‘g‘ri, «Yuventus» va «Milan» darajasidagi klublar uchun doimo eng yuqori maqsadlar qo‘yiladi, ammo bugungi futbolda Chempionlar ligasiga yo‘llanma olish — moliyaviy barqarorlik nuqtai nazaridan eng muhim omildir. Qolgan gaplarni esa kelajakda aytish mumkin bo‘ladi», — deya Simonening so‘zlarini keltiradi derbyderbyderby.it.
«Milan» navbatdagi uchrashuvini «Sassuolo»ga qarshi o‘tkazadi.
