«Милан»нинг собиқ ҳужумчиси Марко Симоне ўтган ёзда жамоа бошқарувига келган ва ҳозирда турнир жадвалида учинчи ўринни эгаллаб турган Массимилиано Аллегрининг фаолияти ҳақида фикр билдирди.
Симоненинг ҳисоблашича, Аллегрининг ишига келажакда баҳо берган маъқул, бироқ ҳозирча у мавсум учун қўйилган вазифани уддаламоқда.
«У кучли тўртликдан жой олиш ҳақида гапирганди ва бу вазифа бажарилмоқда. Тўғри, «Ювентус» ва «Милан» даражасидаги клублар учун доимо энг юқори мақсадлар қўйилади, аммо бугунги футболда Чемпионлар лигасига йўлланма олиш — молиявий барқарорлик нуқтаи назаридан энг муҳим омилдир. Қолган гапларни эса келажакда айтиш мумкин бўлади», — дея Симоненинг сўзларини келтиради derbyderbyderby.it.
«Милан» навбатдаги учрашувини «Сассуоло»га қарши ўтказади.
