Madridning «Atletiko» klubi posboni Yan Oblak «Arsenal»ga qarshi kechgan YECHL yarim final uchrashuvida o‘z darvozasiga belgilangan ikkita penalti borasida fikr bildirdi.
Eslatib o‘tamiz, birinchi penaltini Viktor Dyokeresh golga aylantirgan bo‘lsa, ikkinchisi VAR aralashuvidan so‘ng bekor qilindi.
«Penalti bekor qilinganda doim yengil tin olasan. Umid qilamanki, agar qaror o‘zgarmaganida ham, zarbani qaytargan bo‘lardim. Hakam uni bekor qilishga qaror qildi va biz bunga to‘liq qo‘shilamiz.
Birinchi bo‘limdagi penaltini qaytarishga juda yaqin kelgandim, ammo hammasini zarba kuchi hal qildi. Dyokeresh maksimal darajada kuchli zarba yo‘lladi. Endi bu — tarix. Bor e’tiborimizni dam olish kunidagi o‘yinga, keyin esa Londondagi javob bahsiga qaratamiz», — deya Oblakning so‘zlarini keltirmoqda TNT Sports.
Ma’lumot o‘rnida, jamoalar o‘rtasidagi hal qiluvchi javob uchrashuvi 5 may kuni Londonda bo‘lib o‘tadi.
