Avstriyalik himoyachi David Alaba «Real»ni tark etadi. Unga allaqachon bir qator mashhur klublar qiziqish bildirmoqda.

Gap, avvalambor, Turkiyaning «Galatasaroy» va Angliyaning «Manchester Yunayted» klublari haqida ketmoqda, biroq ro‘yxat shu bilan cheklanmaydi. Pianetamilan.it nashrining xabar berishicha, Alabaning profili Italiyaning «Milan» klubini ham qiziqtirib qolgan.

Tajribali himoyachi Straxinya Pavlovich uchun munosib o‘rinbosar sifatida ko‘rilmoqda — hozirgi vaqtda «Milan»da bu pozisiyada zaxira varianti mavjud emas.

Shuni ta’kidlash joizki, Italiya klubi so‘nggi yillarda faxriy futbolchilarga, ayniqsa «Real»ni tark etayotganlarga alohida e’tibor qaratmoqda. Bunga o‘tgan yili Luka Modrichning taklif etilishi ham yaqqol misol bo‘la oladi.

Alaba 2021 yildan beri «Real» sharafini himoya qilib kelmoqda.