Psixolog Karlos Dias Diyego Maradonaning o‘limi bo‘yicha ochilgan sud ishida ko‘rsatma berdi. Argentina terma jamoasi safida Jahon chempioni bo‘lgan afsonaviy futbolchi 2020 yilda, jarrohlik amaliyotidan so‘ng 60 yoshida vafot etgan edi.
El Clarin nashrining xabar berishicha, Dias Maradonaga noto‘g‘ri dori vositasini tayinlagani uchun ehtiyotsizlik orqasida odam o‘ldirishda ayblanmoqda. U futbolchining o‘limi uchun jinoiy javobgarlikka tortilgan 7 nafar ayblanuvchidan biridir.
«Unda bipolyar buzilish va narsissizm belgilari bor edi. U butun mamlakatni tiz cho‘ktira olardi, biroq bir qadah ichimlik uning o‘zini tiz cho‘ktirib qo‘yishi mumkin edi», — dedi Dias sudda.
Shuningdek, psixologning ta’kidlashicha, Maradona o‘z turmush tarzini o‘zgartirishni xohlagan va davolanish jarayonini spirtli ichimliklardan tiyilishga moslab tuzatib borgan. Dias toksikologik xulosaga tayanib, Maradonaning hayoti 23 kun davomida hech qanday taqiqlangan moddalar iste’mol qilmagan holatda yakunlanganini qayd etdi.
