«Liverpul» hujumchisi Saloh TNT Sports ko‘rsatuvida Stiven Jerrard bilan suhbatlashdi. Suhbat davomida misrlik futbolchi o‘zining «qizillar» bilan Chempionlar ligasidagi zafarini Stiven Jerrardning g‘alabasi bilan qiyosladi.
«Sening «Liverpul» bilan Chempionlar ligasidagi g‘alabang menikidan ko‘ra uzoqroq vaqt eslab qolinadi», — dedi Saloh tabassum bilan.
Eslatib o‘tamiz, 2019 yilda Saloh bilan «Liverpul» finalda «Tottenxem»ni 2:0 hisobida mag‘lub etgan edi. Stiven Jerrard bilan esa jamoa 2005 yilda afsonaviy Istanbul finalida g‘olib chiqqan. O‘shanda mersisaydliklar birinchi bo‘limdan so‘ng 0:3 hisobida mag‘lub bo‘la turib, ikkinchi bo‘limdagi 6 daqiqa ichida 3 ta gol urishga va hisobni tenglashtirishga muvaffaq bo‘lishgan. Yakunda «qizillar» penaltilar seriyasida zafar quchishgan edi.
