Londonning «Arsenal» klubi bosh murabbiy Mikel Artetaga joriy yozda yangi shartnoma taklif qilishni rejalashtirmoqda. Qaror jamoa mavsumni qanday yakunlashidan qat’i nazar, mart oyidayoq qabul qilingan.

Ayni paytda Arteta sovrinlar uchun kurashga e’tibor qaratgan va klub loyihasiga qiziqish bildirmoqda, muzokaralarni kutayotgani aytilmoqda. Bu haqda jurnalist va insayder Fabrisio Romano «X» ijtimoiy tarmog‘ida ma’lum qildi.

5 may kuni «Arsenal» Chempionlar ligasi yarim final javob uchrashuvida Madridning «Atletiko» klubini mag‘lub etdi va ikki o‘yin natijasiga ko‘ra finalga yo‘l oldi. Finalda londonliklar «Bavariya» — «PSJ» juftligi g‘olibi bilan kuch sinashadi.

Artetaning klub bilan amaldagi shartnomasi 2027 yil iyuniga qadar mo‘ljallangan. Angliya Premyer-ligasining 35 turidan so‘ng «Arsenal» 76 ochko bilan musobaqa jadvalida birinchi o‘rinni egallab turibdi.