Angliya Premyer-ligasining 36-turi doirasida «Manchester Siti» o‘z maydonida «Brentford»ni qabul qildi. Uchrashuv «shaharliklar»ning 3:0 hisobidagi ishonchli g‘alabasi bilan yakunlandi.

O‘yinning ikkinchi bo‘limida Jeremi Doku va Erling Xoland raqib darvozasini ishg‘ol etgan bo‘lsa, Omar Marmush uchrashuvga yakuniy nuqtani qo‘ydi.

Ushbu g‘alabadan so‘ng Xosep Gvardiola shogirdlari ochkolari sonini 74 taga yetkazib, turnir jadvalida ikkinchi o‘rinni egallab turibdi. Mavsum yakunishiga uch tur qolganda «Siti» peshqadam «Arsenal»dan atigi ikki ochkoga ortda qolmoqda.

«Brentford» esa 51 ochko bilan turnir jadvalining 8-pog‘onasidan joy olgan.

«MANCHESTER SITI» — «BRENTFORD» — 3:0

Gollar: Jeremi Doku 60 (1:0), Erling Xoland 75 (2:0), Omar Marmush 90+2 (3:0).

«Manchester Siti»: Donnarumma, Ake, Gexi, O`Rayli, Mateus Nunes, Reynders (Marmush, 60), Silva, Sherki (Foden, 60), Doku (Savio, 90), Semenyo, Xoland.

«Brentford»: Kellexer, Ayer, Kollinz, Lyuis-Potter, Kayode, Xiki (Yanelt, 62), Yensen, Damsgor (Uattara, 69), Yarmolyuk (Xenderson, 79), Shade, Tiago.

Ogohlantirishlar: Silva (36), O`Rayli (74), Mateus Nunes (88), Marmush (90) — Ayer (80), Xenderson (88).