Londonning «Arsenal» klubi hujumchisi Noni Madueke o‘zi uchun eng noqulay bo‘lgan raqib haqida to‘xtaldi.
«Ehtimol, Van Deykni aytgan bo‘lardim. U juda gavdali va tezkor — uni aldab o‘tish ancha mushkul. Bunday o‘yinchilarga qarshi maydonga tushish katta tajriba beradi. Doimo eng kuchlilarga qarshi o‘z kuchingni sinab ko‘rishni xohlaysan, o‘yinlarga aynan shunday kayfiyatda yondashish kerak», — deydi Madueke o‘z intervyusida.
Ma’lumot uchun, 24 yoshli vinger o‘tgan yilning iyul oyidan buyon «to‘pchilar» sharafini himoya qilib kelmoqda. Bungacha u ikki yarim yil davomida Londonning boshqa bir jamoasi — «Chelsi» safida harakat qilgan.
