Лондоннинг «Арсенал» клуби ҳужумчиси Нони Мадуэке ўзи учун энг ноқулай бўлган рақиб ҳақида тўхталди.
«Эҳтимол, Ван Дейкни айтган бўлардим. У жуда гавдали ва тезкор — уни алдаб ўтиш анча мушкул. Бундай ўйинчиларга қарши майдонга тушиш катта тажриба беради. Доимо энг кучлиларга қарши ўз кучингни синаб кўришни хоҳлайсан, ўйинларга айнан шундай кайфиятда ёндашиш керак», — дейди Мадуэке ўз интервьюсида.
Маълумот учун, 24 ёшли вингер ўтган йилнинг июль ойидан буён «тўпчилар» шарафини ҳимоя қилиб келмоқда. Бунгача у икки ярим йил давомида Лондоннинг бошқа бир жамоаси — «Челси» сафида ҳаракат қилган.
