«Ipsvich Taun» bosh murabbiyi Kiran Makkenna yaqin orada jamoadan ketishi mumkin. Bu haqda The Sun nashri xabar bermoqda.

Eslatib o‘tamiz, mutaxassis qo‘l ostida «traktorchilar» Chempionship turnir jadvalida ikkinchi o‘rinni egallab, Angliya Premyer-ligasiga yo‘llanmani qo‘lga kiritgan edi. Manbaning bergan ma’lumotiga ko‘ra, yuqori divizionning bir qator klublari yosh murabbiyning xizmatlariga jiddiy qiziqish bildirmoqda.

«Ipsvich Taun» rahbariyati Makkenna bilan xayrlashishni istamasa-da, ehtimoliy ketishga tayyorgarlik ko‘rib, uning o‘rnini bosadigan nomzodlar ro‘yxatini shakllantirgan. Qayd etilishicha, Makkenna faoliyatini davom ettirishi mumkin bo‘lgan eng asosiy jamoa «Kristal Pelas» bo‘lib turibdi.

«Shishachilar»ni yozda Oliver Glasner tark etishi kutilmoqda. Shuningdek, London klubi Andoni Iraola nomzodini ham ko‘rib chiqmoqda. Basklik mutaxassis mavsum yakunida «Bornmut»dan ketishini rasman e’lon qilgan.