«Barselona» himoyachisi Andreas Kristensen jarohatidan forig‘ bo‘ldi. Daniyalik futbolchi dekabr oyi oxirida chap tizzasidagi oldingi xochsimon boylamlarining qisman yirtilishi jarohatini olgan edi. O‘shanda uning 3-4 oyga safdan chiqishi xabar qilingandi.
Bugun Kataloniya klubi 30 yoshli futbolchining safga qaytganini ma’lum qildi. Kristensen «Alaves»ga qarshi o‘yin qaydnomasiga kiritildi.
«Barsa» bugun La Liganing 36-turi doirasida o‘z maydonida «Alaves»ni qabul qiladi. O‘yin Toshkent vaqti bilan 00:30da boshlanadi.
