«PSJ» markaziy yarim himoyachisi Joau Nevesh «Manchester Siti»ning transfer nishoniga aylandi. Bu haqda ElNacional nashri xabar bermoqda.

Manbaning ma’lum qilishicha, Angliya grandi 21 yoshli portugaliyalik futbolchini yozgi transfer oynasida sotib olishni rejalashtirmoqda. «Shaharliklar» Neveshning transferi uchun 115 million yevro ajratishga tayyor.

Joriy mavsumda Nevesh barcha musobaqalarni inobatga olgan holda 36 ta o‘yinda maydonga tushib, raqiblar darvozasini 7 marta ishg‘ol qildi va 4 ta golli uzatma muallifiga aylandi. Yarim himoyachining «PSJ» bilan amaldagi mehnat shartnomasi 2029 yilgacha mo‘ljallangan. Transfermarkt portali ma’lumotlariga ko‘ra, futbolchining transfer bahosi 110 million yevroni tashkil etadi.