«Liverpul» bosh murabbiyi Arne Slot joriy mavsumdagi muvaffaqiyatsiz natijalar fonida muxlislarga murojaat qildi.
«Hozirgi vaqtda ular keyingi mavsumda hammasi ancha yaxshi bo‘lishiga ishonmayotganlarini tushunaman. Lekin, menimcha, ular transfer oynasi nimalarni o‘zgartira olishiga yetarlicha baho bermayaptilar. Biz nimani yaxshilashimiz kerakligini juda yaxshi bilamiz», — deya Slotning so‘zlarini keltiradi jurnalist Fabrisio Romano.
Angliya chempionatining 37-turida «Liverpul» safarda «Aston Villa»ga 2:4 hisobida imkoniyatni boy berdi va hozircha Chempionlar ligasi yo‘llanmasini naqd qila olgani yo‘q. So‘nggi turda Arne Slot shogirdlari o‘z maydonida «Brentford»ni qabul qiladi. Uchrashuv 24 may kuni bo‘lib o‘tadi.
