«Ливерпуль» бош мураббийи Арне Слот жорий мавсумдаги муваффақиятсиз натижалар фонида мухлисларга мурожаат қилди.
«Ҳозирги вақтда улар кейинги мавсумда ҳаммаси анча яхши бўлишига ишонмаётганларини тушунаман. Лекин, менимча, улар трансфер ойнаси нималарни ўзгартира олишига етарлича баҳо бермаяптилар. Биз нимани яхшилашимиз кераклигини жуда яхши биламиз», — дея Слотнинг сўзларини келтиради журналист Фабрицио Романо.
Англия чемпионатининг 37-турида «Ливерпуль» сафарда «Астон Вилла»га 2:4 ҳисобида имкониятни бой берди ва ҳозирча Чемпионлар лигаси йўлланмасини нақд қила олгани йўқ. Сўнгги турда Арне Слот шогирдлари ўз майдонида «Брентфорд»ни қабул қилади. Учрашув 24 май куни бўлиб ўтади.
