"Barselona" yarim himoyachisi Fermin Lopes faoliyatini Fransiya La Ligasida davom ettirishi mumkin. ElNacional.cat nashri tarqatgan xabarlarga qaraganda, "PSJ" ispaniyalik iqtidor sohibini transfer qilish ustida jiddiy bosh qotirmoqda.
Parij grandi ushbu iqtidorli futbolchini shu yozdayoq o‘z safiga qo‘shib olish variantini ko‘rib chiqmoqda. Ma’lumki, Fermin Lopes "Barselona" akademiyasi mahsuli hisoblanadi. Qizig‘i shundaki, futbolchi shu yilning yanvar oyidagina "ko‘k-anorranglilar" bilan amaldagi shartnomasini uzaytirgan edi va yangi bitim 2031 yilning 30 iyuniga qadar mo‘ljallangan.
Shunga qaramay, parijliklar jiddiy taklif bilan chiqishga tayyor. Fermin joriy mavsumda kataloniyaliklar libosida barcha musobaqalarda 47 ta uchrashuvda maydonga tushib, o‘z hisobiga dahshatli 13 ta gol va 17 ta golli uzatmani yozdirib qo‘yishga ulgurdi.
Ayni damda Transfermarkt portali Fermin Lopesning transfer bahosini naqd 100 million yevroga baholamoqda.
