«Ayaks» kelasi mavsumda ham Chempionlar ligasida ishtirok etmaydi.

Amsterdamliklar UYEFAning eng nufuzli klublar turniriga yo‘llanma olish imkoniyatini saqlab qolishlari uchun Erediviziyaning so‘nggi turida «Xerenven»ni mag‘lub etishlari shart edi, biroq ular durang o‘ynashdi — 0:0.

Niderlandiyaning eng sovrindor klubi oxirgi uch mavsum ichida ikkinchi bor chempionatni beshinchi o‘rinda yakunladi va YECHL yo‘llanmasidan mahrum bo‘ldi. Ushbu omadsiz davrgacha «Ayaks» oxirgi marta 2000 yilda kuchli to‘rtlikdan tashqarida qolgan edi.

Endi amsterdamliklar Konferensiyalar ligasi yo‘llanmasi uchun pley-off bosqichida kurash olib borishadi. Eslatib o‘tamiz, Niderlandiya nomidan Chempionlar ligasida PSV va «Feyenoord» (to‘g‘ridan-to‘g‘ri umumiy bosqichda), shuningdek, NEK (saralash bosqichida) ishtirok etadi.