38 yoshli Lionel Messi butun faoliyati davomida penaltilarni hisobga olmaganda 800 ta gol urish marrasiga yaqinlashib qoldi. Hujumchi MLSning «Portlend Timbers»ga qarshi yaqinda bo‘lib o‘tgan o‘yinida o‘z hisobiga gol yozdirib qo‘ydi — bu uning faoliyatidagi 910-goli bo‘ldi. Agar o‘n bir metrlik jarima zarbalari olib tashlansa, argentinalik futbolchi hisobida 797 ta aniq zarba mavjud va bu tarixdagi eng yaxshi ko‘rsatkichdir.

O‘yindan urilgan gollar reytingida ikkinchi o‘rinni Krishtianu Ronaldu egallab turibdi — 788 ta (penaltilar bilan birgalikda hisoblaganda — 971 ta). May oyi boshidan buyon o‘tkazilgan to‘rtta uchrashuvda Messi raqiblar darvozasini besh bor ishg‘ol qildi va ushbu davr mobaynida o‘z hisobiga beshta golli uzatmani ham qo‘shib qo‘ydi.

MLS to‘purarlari ro‘yxatida sakkiz karra «Oltin to‘p» sohibi 12 ta gol bilan ikkinchi o‘rinni egallab turibdi va faqatgina «Chikago Fayr» hujumchisi Ugo Kyoypersdan (13 ta) ortda qolmoqda.