«PSJ» Liga 1 mavsumini «Parij»ga qarshi kechgan derbidagi 1:2 hisobidagi mag‘lubiyat bilan yakunladi. Birinchi bo‘limning o‘zidayoq Luis Enrike hujumchi Usmon Dembeleni zaxiraga oldi. Parij klubi muxlislari xavotirga tusha boshlashdi, chunki Chempionlar ligasi finaliga oz vaqt qoldi.

Dushanba kuni «PSJ» saytida Dembelening holati haqida ma’lumot e’lon qilindi. Liga 1 grandi futbolchining o‘ng oyoq boldir mushagida noqulaylik sezilgani sababli, ehtiyot chorasi sifatida almashtirilganini ma’lum qildi.

Yaqin kunlarda Dembele shifokorlar nazoratida bo‘ladi va muolajalarni davom ettiradi. Parijliklarning bayonotiga tayanadigan bo‘lsak, Dembelening 30 may kuni bo‘lib o‘tadigan Chempionlar ligasi finalidagi ishtirokiga hech narsa xavf solmayapti.