"Lasio" sobiq hujumchisi Miroslav Kloze, agar Maurisio Sarri yaqin kelajakda jamoadan ketishga qaror qilsa, bosh murabbiy sifatida klubga qaytishi mumkin.
O‘tgan yozda klubga ikki yillik shartnoma asosida qaytgan Sarri, avvalroq joriy mavsum natijalaridan unchalik mamnun emasligini sha’ma qilgandi. Bu esa uning klubdagi kelajagini yana so‘roq ostida qoldirmoqda.
La Gazzetta dello Sport nashri bergan ma’lumotlarga ko‘ra, Kloze Sarrining o‘rnini egallashi mumkin bo‘lgan nomzodlar qatoriga kiradi. Germaniyalik sobiq futbolchichi o‘zining futbolchilik faoliyatidagi so‘nggi besh yilni Rim klubida o‘tkazgan. Murabbiy sifatida u Germaniya terma jamoasi, "Bavariya", "Rayndorf Altax" klublarida ishlagan, hozirda esa "Nyurnberg"ni boshqarmoqda.
Miroslavning foydasiga ishlaydigan asosiy jihat — "Lasio" prezidenti Klaudio Lotito sobiq futbolchini juda yaxshi bilishi va qadrlashidir. Lotito yaqin orada Sarri bilan uchrashib, murabbiyning kelajagini muhokama qilishi kutilmoqda, biroq hozircha vaziyat mavhumligicha qolmoqda.
