Ispaniyalik jurnalist Rikar Torkemada «Barselona» himoyachisi Jyul Kundening kelajagi haqida o‘z fikrini bildirdi.

«Kunde — «Barselona» ustida jiddiy bosh qotirishi kerak bo‘lgan futbolchilardan biri. U klubga moliyaviy jihatdan juda foydali taklif olib kelishi mumkin, ammo shu bilan birga, u o‘ng qanotda Lamin Yamalning eng yaxshi sherigi hisoblanadi. Jyul ideal emas, lekin bor e’tiborini o‘yinga qaratsa, himoyada elita darajasida harakat qiladi va «Barselona»ning hujumlariga ham katta yordam beradi. Uni sotish moliyaviy tomonlama mantiqqa to‘g‘ri kelishi mumkin. Biroq uni tarkibda olib qolish jamoa uchun yanada kattaroq mantiqqa ega», — dedi Torkemada.

Joriy mavsumda Jyul Kunde «Barselona» safida barcha turnirlarda 47 ta uchrashuvda maydonga tushib, o‘z hisobiga 3 ta gol va 4 ta golli uzatmani yozdirib qo‘ydi.