«Napoli» bosh murabbiyi Antonio Konte mavsum yakunidan so‘ng o‘z lavozimini tark etadi.
Insayder Fabrisio Romanoning bergan ma’lumotlariga ko‘ra, 56 yoshli italiyalik mutaxassis bunday qarorga kelib bo‘lgan va bu haqda klub prezidenti Aurelio De Laurentisni bundan bir oy oldin xabardor qilgan. Shartnoma 2027 yilning yoziga qadar amal qilishiga qaramay, Konte klubga hech qanday kompensasiya to‘lamaydi va klub ham unga hech qanday ketish nafaqasi (tovon puli) bermaydi. Antonio kelgusi ish joyi bo‘yicha hech qaysi klub bilan kelishuvga erishmasdan turib «Napoli»dan ketmoqda.
Neapolliklar A Seriyaning so‘nggi turi oldidan turnir jadvalida ikkinchi o‘rinni egallab turishibdi va 2026/27 yilgi mavsum uchun Chempionlar Ligasi yo‘llanmasini allaqachon naqd qilib qo‘yishgan.
Konte «Napoli»da 2024 yildan buyon ishlab kelayotgan edi va klub bilan birgalikda Italiya chempionati hamda Supekubogida g‘olib chiqdi.
Avvalroq, «Napoli» bosh murabbiyligiga eng asosiy nomzod sifatida Maurisio Sarri ko‘rilayotgani haqida xabar berilgan edi.
