«Bavariya» prezidenti Gerbert Xayner «Real» klubi Myunxen jamoasining iqtisodiy modeliga havas qilishi va undan o‘rnak olishini ma’lum qildi.

Shanba kuni, 23 may kuni «Bavariya» Germaniya Kubogi finalida «Shtutgart»ga qarshi maydonga tushadi. Bundan avvalroq myunxenliklar joriy mavsumda Bundesliga chempionligini qo‘lga kiritishgan edi.

«Chempionlik unvoni doimo biz uchun bosh ustuvor vazifa bo‘lib kelgan. Albatta, «oltin dubl» (bir mavsumda ham chempionat, ham kubokni yutish) tort ustidagi olchadek go‘zal ish bo‘lardi. Biz o‘z futbolimiz bilan odamlarni hayratda qoldirmoqdamiz. «Real» va «PSJ»ga qarshi uchrashuvlarda butun dunyoda, hatto odatda «Bavariya»ga muxlislik qilmaydigan insonlar tomonidan ham e’tirofga sazovor bo‘ldik.

Klubimiz ajoyib holatda va xalqaro standartlarni belgilab bermoqda. Chempionlar ligasi o‘yini oldidan Myunxenda birga tushlik qilganimizda, «Real» vakillari o‘zlari o‘rnak oladigan yagona klub borligini va bu «Bavariya» ekanligini aytishdi. Biz tashqi investorlarga qaram emasmiz», — dedi Xayner Sport Bild nashriga bergan intervyusida.