Yozgi transfer oynasida ikki nafar yarim himoyachi «Manchester Yunayted» safini to‘ldirishi mumkin. Bu haqda «Sky Sport Italia» jurnalistlari xabar bermoqda.
Manba bergan ma’lumotlarga ko‘ra, «qizil iblislar»ning qiziqishlar doirasidan «Nyukasl» yarim himoyachisi Sandro Tonali va «Atalanta» xavbeki Ederson joy olgan. «Manchester Yunayted» kelayotgan yozda har ikki transferni ham muvaffaqiyatli yakunlashni rejalashtirmoqda.
Tonalining transfer bozoridagi joriy qiymati 80 million yevroga baholanmoqda. Uning «hakkalar» bilan amaldagi shartnomasi 2028 yilning iyun oyi oxirigacha mo‘ljallangan. Edersonning transfer bahosi esa 40 million yevroni tashkil etadi. Braziliyalik futbolchining bergamoliklar bilan tuzgan mehnat shartnomasi 2027 yilning o‘rtalariga qadar amal qiladi.
