«Bornmut» yarim himoyachisi Aleks Skott faoliyatini Londonning «Arsenal» klubida davom ettirishi mumkin. Arsenal Radar xabariga ko‘ra, «kanonirlar» «giloslar» vakili bilan shartnoma imzolash imkoniyatini jiddiy ko‘rib chiqmoqda. Futbolchiga boshqa mahalliy grandlar ham da’vogarlik qilmoqda.
«Bornmut» o‘z yulduzini sotish niyatida emas va u uchun taxminan 60 million funt sterling (deyarli 70 million yevro) so‘ramoqda.
Aleks Skott Andoni Iraola boshqaruvidagi jamoa safida joriy mavsumda 39 ta o‘yinda maydonga tushib, 4 ta gol urdi va 1 ta golli uzatmani amalga oshirdi. Nufuzli Transfermarkt portali ekspertlari futbolchining bozor qiymatini 40 million yevroga baholamoqda. Yarim himoyachining amaldagi shartnomasi 2028 yilga qadar mo‘ljallangan.
