«Борнмут» ярим ҳимоячиси Алекс Скотт фаолиятини Лондоннинг «Арсенал» клубида давом эттириши мумкин. Arsenal Radar хабарига кўра, «канонирлар» «гилослар» вакили билан шартнома имзолаш имкониятини жиддий кўриб чиқмоқда. Футболчига бошқа маҳаллий грандлар ҳам даъвогарлик қилмоқда.
«Борнмут» ўз юлдузини сотиш ниятида эмас ва у учун тахминан 60 миллион фунт стерлинг (деярли 70 миллион евро) сўрамоқда.
Алекс Скотт Андони Ираола бошқарувидаги жамоа сафида жорий мавсумда 39 та ўйинда майдонга тушиб, 4 та гол урди ва 1 та голли узатмани амалга оширди. Нуфузли Transfermarkt портали экспертлари футболчининг бозор қийматини 40 миллион еврога баҳоламоқда. Ярим ҳимоячининг амалдаги шартномаси 2028 йилга қадар мўлжалланган.
