2007 yil 23 may kuni Italiyaning «Milan» klubi Gresiya poytaxtida yana Liga chempionlarida g‘olib chiqdi. Avval ham 1994 yilda Fabio Kapello qo‘l ostida «Barselona»ni 4:0 hisobida mag‘lub etib, zafar quchgan edi. Bu safar Angliyaning «Liverpul» jamoasi mag‘lub etildi — 2:1.
Shu tariqa, «Milan» 2005 yilgi Istanbul finalidagi mag‘lubiyat uchun qasdini oldi. Afinadagi har ikkala golni Filippo Indzagi kiritdi, o‘shanda klubni Karlo Anchelotti boshqarar edi.
Ushbu g‘alaba «Milan» uchun Liga chempionlaridagi oxirgi, yettinchi g‘alaba hisoblanadi. O‘shandan beri klub eng yaxshi holatda turnirning yarim finaligacha yetib bordi.
