2007 йил 23 май куни Италиянинг «Милан» клуби Греция пойтахтида яна Лига чемпионларида ғолиб чиқди. Аввал ҳам 1994 йилда Фабио Капелло қўл остида «Барселона»ни 4:0 ҳисобида мағлуб этиб, зафар қучган эди. Бу сафар Англиянинг «Ливерпуль» жамоаси мағлуб этилди — 2:1.
Шу тариқа, «Милан» 2005 йилги Истанбул финалидаги мағлубият учун қасдини олди. Афинадаги ҳар иккала голни Филиппо Индзаги киритди, ўшанда клубни Карло Анчелотти бошқарар эди.
Ушбу ғалаба «Милан» учун Лига чемпионларидаги охирги, еттинчи ғалаба ҳисобланади. Ўшандан бери клуб энг яхши ҳолатда турнирнинг ярим финалигача етиб борди.
