Italiya A Seriyasi 2025/2026 yilgi mavsumi 38-turidan o‘rin olgan «Bolonya» — «Inter» uchrashuvi yakunlandi.

Bahs "Renato Dall'Ara" stadionida bo‘lib o‘tdi va uchrashuv 3:3 hisobidagi jangovar durang bilan yakunlandi.

O‘yindagi hisobni 22-daqiqada milanliklar himoyachisi Federiko Dimarko ochdi. Oradan uch daqiqa o‘tib, «Bolonya» hujumchisi Federiko Bernardeski muvozanatni tikladi.

42-daqiqada yarim himoyachi Tommazo Pobega maydon egalarini oldinga olib chiqdi. Ikkinchi bo‘limda, 48-daqiqada «Inter» xavbeki Pyotr Zelinski to‘pni o‘z darvozasiga kiritib qo‘ydi.

64-daqiqada mehmonlar hujumchisi Franchesko Espozito jamoasining ikkinchi golini urdi. Uchrashuvning 87-daqiqasida esa «qora-ko‘klar» yarim himoyachisi Andi Diuf hisobni tenglashtirdi.

«Bolonya» 38 ta uchrashuvdan keyin A Seriya jadvalida sakkizinchi o‘rinni egalladi. Jamoa hisobida 56 ochko mavjud.

Chempionlikni muddatidan avval ta’minlagan «Inter» esa 87 ochko bilan birinchi o‘rinni band etdi.

Italiya — A Seriya, 38-tur
23 may, 2026 yil. Bolonya, «Renato Dall'Ara» stadioni
«Bolonya» — «Inter» — 3:3
Gollar: Dimarko 22 (0:1), Bernardeski 25 (1:1), Pobega 42 (2:1), Zelinski 48 (3:1, avtogol), Espozito 64 (3:2), Diuf 87 (3:3).