«Yuventus» klubi yozda erkin agentga aylanadigan «Liverpul» himoyachisi Endryu Robertson uchun kurashga qo‘shildi.

Jurnalist Janluka Di Marsio bergan ma’lumotlarga ko‘ra, «byankoneri» rahbariyati 31 yoshli shotlandiyalik futbolchiga allaqachon taklif bilan chiqqan. Shunga qaramay, futbolchi uchun asosiy da’vogar sifatida hali ham «Tottenxem» qolmoqda.

Robertson 2017 yildan beri «Liverpul» sharafini himoya qilib kelayotgan edi va mavsumning so‘nggi turidagi «Brentford»ga qarshi o‘yindan keyin «Enfild» bilan xayrlashdi. «Shporlar» futbolchi bilan deyarli kelishuvga erishib bo‘lishgan, biroq «Yuventus» vaziyatni o‘z foydasiga o‘zgartirishga umid qilmoqda.

Turinliklarning qiziqishiga jamoa mudofaasini kuchaytirish zaruriyati va Chempionlar ligasi yo‘llanmasidan quruq qolganidan keyingi cheklangan byudjet sabab bo‘lgan. Erkin agentning transferi italiyaliklar uchun juda jozibali variant bo‘lib ko‘rinmoqda.

Robertsonning kelajagi Jahon chempionati boshlangunga qadar hal bo‘lishi kutilmoqda.