«Barselona»ning sobiq bosh murabbiyi Xavi Ernandes «Milan»ning yangi ustoziga aylanishi mumkin. Bu haqda The Touchline nashri xabar bermoqda.

Manbaga ko‘ra, ayni damda Xavi «Milan» bosh murabbiyligi uchun asosiy nomzodlardan biri bo‘lib turibdi. Klub rahbariyati Xavini kuchli taktik deb hisoblaydi va uning yosh futbolchilarga ishonishini yuqori baholaydi. Biroq «Milan» Xavi bilan bir qatorda «Bornmut» ustozi Andoni Iraola variantini ham ko‘rib chiqayotgani aytilmoqda.

Eslatib o‘tamiz, «Milan» A Seriyaning so‘nggi turida sensasion tarzda «Kalyari»ga (1:2) mag‘lub bo‘lib, Chempionlar ligasi yo‘llanmasidan mahrum bo‘lgach, Massimiliano Allegrini iste’foga chiqargan edi.