«Barselona»ning yangi hujumchisi Entoni Gordon kataloniyaliklar ustozi Xans-Diter Flik haqidagi fikrlari bilan o‘rtoqlashdi.

«Men avval ham hayajonda edim, Flik bilan suhbatlashgandan so‘ng esa bu tuyg‘u yanada ortdi. U jamoa bilan ajoyib ishlaydigan juda yoqimli inson bo‘lib ko‘rindi. Uning juda qisqa vaqt ichida «Barselona»da erishgan natijalari kishini hayratga soladi. U bilan klub katta muvaffaqiyatlarni qo‘lga kiritdi», — dedi Gordon matbuot anjumanida.

Gordonning «Nyukasl»dan transfer qilingani kecha ma’lum bo‘lgan edi. Ingliz vingeri klub bilan besh yillik shartnoma imzoladi.

Avvalroq «qarg‘alar» direktorlar kengashi va klubning saudiyalik xo‘jayinlari kataloniyaliklarning 70 million yevrolik kafolatlangan to‘lov hamda qo‘shimcha bonuslar haqidagi taklifini qabul qilgani xabar berilgandi. Transferning umumiy summasi 80 million yevrodan oshadi.