Og‘ir vazn toifasida WBA, WBC, IBF va IBO yo‘nalishlari bo‘yicha amaldagi jahon chempioni, 39 yoshli mag‘lubiyatsiz Aleksandr Usik (25-0, 16 KO) hayotda unga nima kuch va poydevor berishi haqidagi fikrlari bilan o‘rtoqlashdi.

«Mening hayotim — bu mashg‘ulotlar, boks, xudoga bo‘lgan ishonch va albatta, mening oilam. Aynan shulardan o‘zim uchun asos va kuch topaman», — deb yozdi ukrainalik bokschi o‘zining X ijtimoiy tarmog‘idagi sahifasida.

Niderlandiyalik bokschi Riko Verxuven ustidan 11-raundda qozonilgan nokautli g‘alabadan so‘ng, Usikning professional rekordi 25 ta g‘alabaga yetdi (shulardan 16 tasi muddatidan oldin). Unda hamon birorta ham mag‘lubiyat yo‘q. Aleksandr professional boksdagi debyutini 2013 yilning noyabr oyida amalga oshirgan edi.