Madridning «Real» klubida yarim himoya chizig‘ini kuchaytirish uchun variantlar izlash davom etmoqda. Klubning yuqori martabali mutasaddilari prezident Florentino Peresga Londonning «Arsenal» klubidan Deklan Raysni sotib olishga harakat qilishni qat’iy tavsiya etishdi, deya xabar bermoqda TEAMtalk.
Angliyalik futbolchi yarim himoya pozisiyasi uchun ideal variant deb hisoblanmoqda, biroq bu yerda jiddiy muammo bor: «kanonirlar» o‘z yulduzini sotishni istashmayapti va u uchun 116 mln yevrodan ancha ko‘p mablag‘ talab qilishadi. Bundan uch yil avval futbolchi «Vest Xem»dan aynan shuncha summaga sotib olingan edi.
Transfermarkt portali talqiniga ko‘ra, Deklan Raysning bozor qiymati 120 mln yevroni tashkil qiladi. 27 yoshli futbolchining «Arsenal» bilan amaldagi shartnomasi 2028 yilgacha mo‘ljallangan.
