Ispaniyalik murabbiy Karlos Kuesta «Parma» bosh murabbiyi sifatida o‘z faoliyatini davom ettiradi. Klub Kuesta jamoani Italiya futboli oliy ligasida olib qolganidan so‘ng, u bilan shartnomani uzaytirishga qaror qildi.
Mutaxassisning avvalgi shartnomasi 2027 yilda o‘z nihoyasiga yetardi, ammo klub rahbariyati murabbiyning xizmatlaridan kelajakda ham foydalanish kafolatini olish uchun bitimni muddatidan oldin uzaytirish zarur deb topdi.
Eslatib o‘tamiz, Kuesta «Parma»ni 29 yoshida — murabbiylik faoliyati uchun noodatiy erta yoshda qabul qilib olgan edi. Shunday bo‘lsa-da, o‘tgan mavsumda klub 11 ta g‘alabaga erishdi va ular qatorida «Milan» ustidan ham zafar quchdi. «Parma» A Seriyada 13-o‘rinni egalladi.
