Yozning birinchi kunida «Transfermarkt» portali Fransiya chempionatida o‘ynayotgan futbolchilarning taxminiy narxlarini yangiladi. Avvalroq Xvicha Kvarasxeliya narxi eng ko‘p oshgan futbolchilar reytingini boshqarganini xabar qilgandik (uning narxi 50 million yevroga oshdi va 140 millionga yetdi).

Liga 1 da narxi eng ko‘p tushgan futbolchilar reytingini esa «PSJ» yarim himoyachisi Fabian Ruis boshqardi. Uning narxi 10 million yevroga pasayib, hozirda 30 million yevroni tashkil etmoqda.

Fransiya chempionatida narxi eng ko‘p tushgan futbolchilar reytingida ikkinchi o‘rinni bir yo‘la olti nafar futbolchi bo‘lishib oldi. Ular orasida «PSJ» vakillari ham bor: Ilya Zabarniy (yangi narxi – 40 million yevro), Gonsalu Ramush (30 million yevro) va Lyuka Shevalye (25 million yevro).