Ёзнинг биринчи кунида «Transfermarkt» портали Франция чемпионатида ўйнаётган футболчиларнинг тахминий нархларини янгилади. Аввалроқ Хвича Кварацхелия нархи энг кўп ошган футболчилар рейтингини бошқарганини хабар қилгандик (унинг нархи 50 миллион еврога ошди ва 140 миллионга етди).

Лига 1 да нархи энг кўп тушган футболчилар рейтингини эса «ПСЖ» ярим ҳимоячиси Фабиан Руис бошқарди. Унинг нархи 10 миллион еврога пасайиб, ҳозирда 30 миллион еврони ташкил этмоқда.

Франция чемпионатида нархи энг кўп тушган футболчилар рейтингида иккинчи ўринни бир йўла олти нафар футболчи бўлишиб олди. Улар орасида «ПСЖ» вакиллари ҳам бор: Илья Забарний (янги нархи – 40 миллион евро), Гонсалу Рамуш (30 миллион евро) ва Люка Шевалье (25 миллион евро).