«Liverpul» bosh murabbiylik lavozimiga tayinlash uchun Andoni Iraola bilan rasmiy muzokaralarni boshlashga hozirlik ko‘rmoqda.

ESPN xabariga ko‘ra, mersisaydliklar rahbariyati 43 yoshli ispaniyalik mutaxassisni vakant lavozimga asosiy nomzod deb hisoblamoqda. Iraola nomzodining ustunliklaridan biri shundaki, uning moliyaviy talablari klub uchun muammo tug‘dirmaydi.

«Bornmut»da ishlagan davrida murabbiy yiliga taxminan 10 million funt sterling maosh olishni ko‘zlagan edi. O‘shanda klub bu talablarni qondira olmagan, ammo «Liverpul» unga xuddi shunday miqdordagi maoshni taklif qilishga tayyor. Avvalroq Arne Slot ham aynan shuncha maosh olgan.

Nomzodlar qatorida «Shtutgart» ustozi Sebastyan Xyones ham qolmoqda, biroq ayni damda aynan Iraola bu lavozim uchun bosh favorit hisoblanadi.

«Liverpul» yangi bosh murabbiy masalasini klublar o‘rtasidagi jahon chempionati boshlanishidan avval hal qilishni rejalashtirmoqda. Bu mutaxassisga jamoani 2026/2027 yilgi mavsumga to‘liq tayyorlash va yozgi transferlar davrida tarkibni shakllantirishda ishtirok etish imkonini beradi.