«Milan» qanot hujumchisi Rafael Leau faoliyatini Angliya chempionatida davom ettirishi mumkin. Insayder Nikolo Skiraning ta’kidlashicha, «Manchester Yunayted» va «Arsenal» klublari yozgi transfer oynasida «Milan»ni tark etish istagini bildirgan Leau borasida ma’lumot so‘rashgan.

Futbolchining o‘zi kuchini Premyer-ligada sinab ko‘rmoqchi, ammo hozircha hech qanday aniq takliflar kelib tushmagan. 2025/26 yilgi mavsumda Leau barcha musobaqalarda 31 ta o‘yinda maydonga tushib, raqiblar darvozasini 10 marta ishg‘ol qilgan va 3 ta golli uzatmaga mualliflik qilgan. Leauning «Milan» bilan amaldagi shartnomasi 2028 yilgacha mo‘ljallangan. Transfermarkt ekspertlari 26 yoshli portugaliyalik futbolchini 50 million yevroga baholamoqda.