«Milan» klubdagi muhim shaxslar bilan xayrlashgach, navbatdagi qayta qurish jarayoniga hozirlik ko‘rmoqda.

Jurnalist Nikolo Skiraning ma’lumotlariga ko‘ra, «rossonerilar» egalari vinger Kristian Pulishichni yangi loyihaning asosiy figurasi deb hisoblashmoqda.

27 yoshli futbolchi «tegib bo‘lmas» maqomini oldi – yaqin kelajakda uni hech qachon sotishmaydi.

Bundan tashqari, jahon chempionati yakunlanganidan so‘ng amerikalik o‘yinchiga maoshi oshirilgan yangi shartnoma taklif qilinadi.

Kristian Pulishich 2023 yildan buyon «Milan» sharafini himoya qilib kelmoqda. O‘tgan mavsumda u 34 ta o‘yinda 10 ta gol va 4 ta golli uzatmaga mualliflik qildi.