Londonning «Tottenxem» klubi «Brayton»ga markaziy himoyachi Yan-Paul van Xekkeni sotib olish bo‘yicha rasmiy taklif yubordi. Bu haqda jurnalist Devid Ornshteyn xabar bermoqda.

Biroq, manbaga ko‘ra, «chaykalar» bu taklifni rad etdi, chunki taklif qilingan summa kutilganidan ancha past bo‘lgan. Klublar o‘rtasidagi muzokaralar davom etmoqda. Ayni vaqtda «Brayton» bosh murabbiyi Fabian Xyurseler yaqin orada van Xekke bilan uchrashib, uning kelajagini muhokama qilishni rejalashtirmoqda.

O‘tgan mavsumda 25 yoshli niderlandiyalik futbolchi barcha musobaqalarda 40 ta o‘yinda maydonga tushib, uchta gol urgan va uchta golli uzatmani amalga oshirgan. «Transfermarkt» mutaxassislari himoyachini 45 million yevroga baholamoqda.