Portugaliya terma jamoasi yarim himoyachisi Bernardu Silva faoliyatini davom ettirish uchun ustuvor yo‘nalishni tanladi. Bu haqda insayder Fernando Polo ijtimoiy tarmoqlar orqali xabar berdi.
Jurnalistning ma’lumotlariga ko‘ra, xavbek «Barselona»ga o‘tishni ma’qul ko‘rmoqda. Tajribali portugaliyalik futbolchining xizmatlariga Madridning «Real» va «Atletiko» klublari ham qiziqish bildirmoqda.
Eslatib o‘tamiz, Silva 2017 yilning yozidan buyon «Manchester Siti» sharafini himoya qilib kelayotgan edi. Futbolchining bozor qiymati 22 million yevroga baholanmoqda. Angliya Premyer-ligasining yakunlangan mavsumida Bernardu 38 ta uchrashuvda maydonga tushdi. Yarim himoyachi ikkita gol urdi, to‘rtta golli uzatmani amalga oshirdi va o‘n marta sariq kartochka oldi.
