«Manchester Siti»ning sobiq futbolchisi Kayl Uoker 2026 yilgi jahon chempionati boshlanishi arafasida Angliya milliy terma jamoasining himoya chizig‘iga baho berdi.
«Agar himoyaga nazar tashlaydigan bo‘lsak, hech kim juda yuqori saviyadagi o‘yinni ko‘rsatgani yo‘q. Bunday himoyaga ishonish mumkinmi, bilmayman. Ayrim futbolchilar borasida shubhalarim bor, lekin men bosh murabbiy emasman. Shou va Maguayr o‘tgan mavsumda o‘zlarini a’lo darajada ko‘rsatishdi, ammo ularni mundialga olishmadi. Menimcha, bu yigitlar u yerga borishlari kerak edi», — deya himoyachining so‘zlarini keltiradi «Goal» portali.
Eslatib o‘tamiz, jahon chempionatining guruh bosqichida Angliya terma jamoasi Xorvatiya, Gana va Panama bilan to‘qnash keladi.
