«Манчестер Сити»нинг собиқ футболчиси Кайл Уокер 2026 йилги жаҳон чемпионати бошланиши арафасида Англия миллий терма жамоасининг ҳимоя чизиғига баҳо берди.
«Агар ҳимояга назар ташлайдиган бўлсак, ҳеч ким жуда юқори савиядаги ўйинни кўрсатгани йўқ. Бундай ҳимояга ишониш мумкинми, билмайман. Айрим футболчилар борасида шубҳаларим бор, лекин мен бош мураббий эмасман. Шоу ва Магуайр ўтган мавсумда ўзларини аъло даражада кўрсатишди, аммо уларни мундиалга олишмади. Менимча, бу йигитлар у ерга боришлари керак эди», — дея ҳимоячининг сўзларини келтиради «Goal» портали.
Эслатиб ўтамиз, жаҳон чемпионатининг гуруҳ босқичида Англия терма жамоаси Хорватия, Гана ва Панама билан тўқнаш келади.
