«Vest Xem» vingeri Jarrod Bouen shu yozda klubni o‘zgartirishi mumkin. «The Guardian» nashriga ko‘ra, futbolchining xizmatlariga «Manchester Yunayted» qiziqish bildirmoqda. «Bolg‘achilar» o‘z o‘yinchisini 50 million funt sterlingga baholamoqda, biroq kelishuvga erishish uchun 40 million funt sterling miqdoridagi taklif yetarli bo‘lishi mumkin deb hisoblanmoqda.

Jarrod Bouen 2020 yilda «Xall Siti»dan 21 million yevro evaziga «Vest Xem»ga o‘tgan edi. Uning London klubi bilan tuzgan shartnomasi 2030 yilning 30 iyuniga qadar mo‘ljallangan. 2025/26 yilgi mavsumda vinger «bolg‘achilar» safida barcha musobaqalarda 42 ta uchrashuv o‘tkazib, 11 ta gol urgan va 12 ta golli uzatmani amalga oshirgan.