Hujumchi Kodi Gakpo katta ehtimol bilan «Liverpul»da qoladi. Indykaila News tarqatgan ma’lumotlarga ko‘ra, niderlandiyalik futbolchi Arne Slot iste’foga chiqqanidan keyin «qizillar» safini tark etmoqchi ekanligi haqidagi mish-mishlar haqiqatga to‘g‘ri kelmaydi.
Forvard klubdagi hozirgi mavqeidan to‘liq qoniqish hosil qilmoqda va jamoaga yangi bosh murabbiy tayinlanishini kutyapti.
Kodi Gakpo 2023 yilda PSV klubidan «Liverpul»ga 42 million yevro evaziga ko‘chib o‘tgan edi. Uning «qizillar» bilan shartnomasi 2030 yilning 30 iyuniga qadar mo‘ljallangan.
2025/2026 yilgi mavsumda niderlandiyalik futbolchi barcha musobaqalarda jami 52 ta o‘yinda maydonga tushib, o‘z hisobiga 9 ta gol va 6 ta golli uzatmani yozdirib qo‘ydi. «Transfermarkt» portali Gakponing transfer qiymatini 60 million yevroga baholamoqda.
