Transfer huquqi «Portu» klubiga tegishli bo‘lgan braziliyalik vinger Villiam Gomes faoliyatini Angliya Premyer-ligasining grand klubida davom ettirishi mumkin. Bu haqda Globo Esporte jurnalistlari xabar bermoqda.

Manba bergan ma’lumotlarga ko‘ra, 20 yoshli futbolchini o‘z safiga qo‘shib olishga Londonning «Arsenal» klubi jiddiy qiziqish bildirmoqda. Qayd etish lozimki, Gomesning amaldagi shartnomasida 80 million yevro miqdorida tovon puli belgilab qo‘yilgan.

Villiam portugal klubi tarkibida jami 46 ta uchrashuvda maydonga tushgan. Hujumchi o‘z hisobiga 13 ta gol va 2 ta golli uzatmani yozdirib qo‘yishga ulgurdi. Braziliyalik futbolchining «ajdarholar» bilan shartnomasi 2029 yilning iyun oyi yakuniga qadar mo‘ljallangan. Transfermarkt portali uning bozor qiymatini 25 million yevroga baholamoqda.